Ордабасы ауданы Жастар ресурстық орталығы және Игілік қоғамдық қоры бірлесе түзген жоспар бойынша Болашаққа бағдар: Мамандық таңдау тақырыбында танымдық семинар – тренинг Ш. Уалиханов атындағы мектеп гимназиясында өткізілді. Танымдық семинар – тренингтің мақсаты мен міндеті: -Мектеп оқушылары мақсат қоя білу мен мамандық таңдауда дұрыс жол көрсетіп көмек беру; -Мектеп оқушысының кәсіби құлшынысын арттыру, жігерлендіріп көңіл күйін көтеру, психологиялық ахуал қалыптастыру, ортаға беймделуіне ықпал жасау; -Айқындалған мақсат бойынша тренинг заңдары мен мақсаттарының топ жұмысын жақсартуға ат салысу; Танымдық семинар – тренигте қамтылған сыныптар -9, 10, 11 сынып оқушылары.
Мамандық – қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі. Адам өзінің болашақ кәсібіне әр түрлі жолдармен келеді. Ең бастысы – адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт.
