Желіде желдей ескен бейнежазбаға қатысты нақты дерек шықты, – деп хабарлайды Azatmedia.kz ақпараттық порталы.
Әлеуметтік желілерде кеңінен тараған «Бораттың» ескерткіші Австралияның танымал жағалауларының біріне орнатылған. Сиднейліктер назарына ұсынылған ескерткіш жұма күнгі таңғы сағат 11:00-ге дейін Маркс паркінде тұрады. Жауапты мамандар аталған жайтты фильмнің пиар-кампаниясының бірі екенін алға тартып отыр.
Әлеуметтік желіде кеңінен тараған бейнежазбадан 6 метрлік «Бораттың» ескерткішін көруге болады. Ал жағалауда фильм кейіпкерінің образындағы ондаған адам флешмоб билеп жүр. Бұл да ел назарын аударудың бір тәсілі дейді мамандар.
