Azatmedia.kz. Жогорку Кенештің депутаты Айнуру Алтыбаева Қырғызстан азаматтарын елдің сыртқы қарызын жабу үшін ақша жинауға шақырды деп хабарлайды KAZ.NUR.KZ.
24.kg ақпараттық агенттігінің хабарлауынша, депутат өзін осы оқиғаның бастамашысы деп атады. Алтыбаева осы науқанға арнайы банктік шот ашып, жиналған қаражатты сол жерде сақтауды жоспарлап отыр. Алынған ақшаның жұмсалуын бақылау үшін ол «Элдик кенеш» атты бақылаушылар тобын құруды ұсынады.
Сонымен бірге, Алтыбаеваның сөзіне қарағанда, ол өзі де шет қалғысы келмейді: саясаткер айлық жалақысын есепшотқа аударуға дайын екенін мәлімдейді – 25,5 мың сом (133,8 мың теңге).
Қарапайым азаматтардың есебінен елдің мемлекеттік қарызын төлеуге деген бұл бірінші әрекет емес. 2018 жылы сол кезде үкімет басшысы болған Мухаммедкалый Абылгазиев азаматтардан көмек қаражатын жинау үшін есепшот ашуды ұсынған болатын. Бұған жауап ретінде азаматтар кейіннен сыртқы қарыздарын жемқор шенеуніктердің мүлкі есебінен төлеуді ұсынды.
