Azatmedia.kz. Қырғызстанның Жогорку Кенешінің (Парламентінің) депутаттары Садыр Жапаровты премьер-министр лауазымына бекітті, – деп хабарлайды 24.kg.
Депутаттар Садыр Жапаровтың премьер-министр лауазымына кандидатурасын қайта қарады. Сондай-ақ, олар Үкіметтің құрамы мен бағдарламасын бекітті. Залда 83 депутат отырды. Барлығы бірауыздан дауыс берді.
Еске салайық, мұның алдында Қырғызстан президенті Сооронбай Жээнбеков премьер-министр кандидатурасын қайта қарауды ұсынған болатын.
