Ең бай 50 адамның дәулеті елдің жарты халқының байлығына тең, – деп хабарлайды Azatmedia.kz ақпараттық порталы Bloomberg сайтына сілтеме жасап.
Сайт мәліметіне сүйенсек, АҚШ халқының 1 пайызын құрайтын байлардың дәулеті 34,2 триллион долларға тең. Ал 165 миллион америкалықтың жалпы 2,08 триллион доллары ғана бар екен. Ең дәулетті 50 адам жыл сайын 339 миллиард долларға байиды. Сарапшылардың пікірінше, коронавирус пандемиясы АҚШ-тағы теңсіздікті одан әрі тереңдетті.
1981 жылдан 1996 жылға дейін туылған ұрпақ негізгі жұмыс күші болғанына қарамастан, АҚШ-тағы байлықтың тек 4,6 пайызын басқарады.
