Елбасы «Праймериз» ақпараттық жүйесінде тіркеуден өтті, – деп хабарлайды Azatmedia.kz ақпараттық порталы.
Бұл туралы Тұңғыш Президенттің баспасөз хатшысы Айдос Үкібай әлеуметтік желіде хабарлады. «Елбасы Нұрсұлтан Назарбаев «Nur Otan» партиясының праймеризіне қатысушы кандидаттардың сайлауалды бағдарламасымен танысып, дауыс беру процесіне қатысу үшін «Праймериз» ақпараттық жүйесінде тіркеуден өтті», – делінген жазбада.
Айта кету керек, 14 қыркүйектен бастап елімізде партияішілік сайлауға қатысушылардың пікірсайыстары өтіп жатыр. Дауыс беру 1-3 қазан аралығында өтеді.
