Қазақстан коронавирустың екінші толқынына дайындалып жатыр. Бұл туралы денсаулық сақтау министрі Алексей Цой айтты, – деп хабарлайды Azatmedia.kz ақпараттық порталы Tengrinews.kz сайтына сілтеме жасап.
«Еуропа елдерінде жаппай жұқтырғандар көбейіп жатқанын көріп отырмыз. Италия, Испания, Германия, Түркия, Оңтүстік Кореяда. ТМД елдерінде жұқтырғандар саны Қазақстаннан бес есе көп, 0,5 пайыз болып отыр. Бұл жағдайға алаңдап отырмыз. Қазақстан барлық ел секілді коронавирус инфекциясының екінші толқыны болуы мүмкін деп дайындалып жатыр, – деді министр ОКҚ онлайн-брифингінде.
Еске салайық, соңғы мәліметтер бойынша Қазақстанда коронавирус жұқтырғандар саны 106 584-ке жетті.
