Нұршуақ шағынауданында заманауи талаптарға сай жаңа сауда және қызмет көрсету орталығы – Dala Mall кешенінің құрылысы қарқынды жүргізілуде.
Кешеннің жалпы ауданы 48 000 шаршы метрді құрайды. Жоба сауда, қоғамдық тамақтану және тұрмыстық қызмет көрсету бағыттарын қамтитын көпфункционалды форматта жүзеге асырылуда.
Құрылыс барысымен танысу мақсатында басқарма басшысы нысан аумағында болып, атқарылып жатқан жұмыстарды бақылады. Қазіргі таңда құрылыс жұмыстары белгіленген кестеге сай жүргізілуде.
Жоба аясында 1000-1500 жаңа жұмыс орны ашылады деп жоспарланған. Нысанды 2025 жылдың соңына дейін пайдалануға беру көзделген.
Ауқымды жоба қала экономикасының дамуына серпін беріп, халыққа жаңа қызмет түрлерін ұсынуға мүмкіндік береді.
