Бүгінгі қоғамда құқықтық сауатты, қаржыны дұрыс басқаратын әрі жауапкершілігі жоғары азамат тәрбиелеу – стратегиялық маңызды міндеттердің бірі. Қаржылық және құқықтық білімнің жетіспеушілігі – азаматтардың әлеуметтік-экономикалық осалдығының негізгі себептерінің бірі.
Осыған байланысты Созақ ауданында тұрғындарға арналған қаржылық сауаттылық пен құқықтық қолдауға бағытталған семинар-тренинг өтті.
Бұл іс-шара Мемлекет басшысы Қасым-Жомарт Тоқаевтың Жолдауындағы «Заң үстемдігі қамтамасыз етілмесе, азаматтардың қауіпсіздігіне кепілдік берілмейді, ал онсыз әлеуметтік-экономикалық даму да мүмкін емес» деген тұжырымды басшылыққа ала отырып өткізілді.
Іс-шараға арнайы шақырылған мамандар – «Қарызсыз қоғам» жобасының Түркістан облысы бойынша үйлестірушісі, заңгер Жандос Әзімбай және педагог-психолог Шара Абдирахманова тұрғындарға тәжірибеге негізделген пайдалы ақпарат ұсынып, практикалық кеңес берді. Онда азаматтарға қаржылық кеңестер беруді есеп-шоттарын бұғаттан босату үшін не істеу
керек, шешудің қандай жолдары бар екендігі туралы кеңес берілді.
Жандос Әзімбай «Қаржылық сауаттылық пен құқықтық білім – әрбір азаматтың қауіпсіздігі мен әл-ауқатының кепілі. Біз азаматтарға күнделікті өмірде жиі кездесетін қаржылық және құқықтық мәселелерді шешуге көмектесуге дайынбыз», -деді.
Шара Абдирахманова «Қаржылық қиындықтар адамның психологиялық жағдайына да әсер етеді. Сондықтан қаржыны басқарумен қатар, күйзеліске ұрынбау жолдарын да үйрету маңызды», – деді.
Кездесуге қатысушылар өздерін мазалаған
сұрақтарын қойып, алаяқтық әрекеттерден қалай сақтану, несие алуда неге назар аудару керек, құқықтық көмекке қалай жүгіну керек сынды өзекті мәселелер бойынша тегін кәсіби кеңес алды.
Turkistan #AFM #Түркістан #АФМ #Туркестан #Бәйтерек
